ورق عنب

الكمية تكفي: 4 أشخاص
وقت التحضير: 20 دقيقة
وقت الطهي: 50 دقيقة
المقادير: 1/2 كيلو لحمة مفرومة حمرا ثمرة بصلة 1/2 كيلو ورق عنب 1/4 كوب برغل اسمر خشن 1/4 كوب برغل أبيض خش مقدار بقدونس مقدار شبت ملعقة نعناع ناشف مقدار ملح مقدار فلفل اسود مقدار بهارات ثمرة طمطماية مقطعة صغير مقدار شوربة لحم دايت
التحضير: أولا : تسلقي ورق العنب أو تجيبي اللي في البرطمانات
بس تغسليه كويس قبل ما تلفيه
ثانيا : تنقعي البرغل الأبيض والأسمر في ماء ساخن لمدة ربع ساعة
وتصفيها من المية
تشوحي بصلة في ملعقة صغيرة زيت
( يعني قليل جداً)
وتحطي عليها اللحم المفروم وتعصجيه
وبعدها تحطي عليه الخضرة والبهارات والملح والفلفل
وآخر حاجة تحطي الطماطم وتقلبي الخليط كلة كويس
وبعدها تضيفي البرغل وتقلبيه مع الخليط
حتي يختلط كله مع بعض كويس.

الطبخ:

رابعاً : تلفي ورق العنب بالخليط دة وترصيه في حلة
وتسقيه بشوربة اللحم
( بس ما تكتريش الشوربة لإن كل المكونات مستوية تقريباً )
وتخليها تغلي غلوتين
وبعدها وطي النار لحد ما يتشرب
وبعد ما يتشرب تعصري عليه نص ليمونة.